01
Arxivin ilk oxunuşu
«Bu zəngləri heç kim dinləməyib»
Aylarla yığılan yazı bir dəfəyə təhlildən keçir və ilk dəfə görünür ki, ən çox hansı sual soruşulub, satış ən çox harada itib.
Audio Analyzer
Zənglər yazılır. Dinləyən yoxdur
Bir aylıq arxiv yüzlərlə saatdır; menecerin vaxtı həftədə bir neçə zəngə çatır. Audio Analyzer hamısını dinləyir — mətnə çevirir, kimin nə dediyini ayırır və hər zəngdən həm operator, həm müştəri haqqında oxunaqlı nəticə çıxarır.
Problem
Arxiv böyüyür, məlumat böyümür
Zəng yazıları saxlanılır — amma onlardan nəyisə öyrənmək üçün lazım olan adam-saat heç vaxt tapılmır.
01
Ayda min zəng, həftədə beş dinləmə
Neçə zəngin yoxlanması menecerin vaxtı ilə məhdudlaşır. Qalanları haqqında deyilə bilən yeganə dürüst cümlə budur: bilmirik.
02
Seçmə dinləmə həmişə eyni zəngləri tapır
Yoxlamaya ya şikayət gələn, ya təsadüfən seçilən zənglər düşür. Sistematik səhv isə şikayət yaratmayan zənglərdə oturur — ona görə də illərlə görünmür.
03
Müştərinin dediyi söz heç yerdə qalmır
Zəngdə səslənən etiraz, tələb və ya rəqib adı yalnız həmin zəngdə qalır. CRM-ə düşən qeyd isə bir sözdür: «maraqlanmadı».
Audio Analyzer heç kimlə danışmır. İşi artıq deyilmiş sözü dinləmək, yazıya çevirmək və ölçməkdir — zəngə sizin operatorunuz cavab verib, yoxsa AI agent, fərq etmir.
Bir zəng
Bir zəng. Dinlənəndən sonra ondan qalan
Solda səs yazısının özü: kim nə qədər danışıb, harada susulub, harada söz kəsilib. Sağda həmin zəngdən çıxan iki oxunuş — biri operator, biri müştəri haqqında.
Gələn zəng · +994 12 XXX XX XX
6 dəq. 12 san.
Təhlil olunan yazı
- Operator
- Müştəri
- Sükut
- Danışıq payı
- 69% / 31%
- Operator müştəridən iki dəfə çox danışıb.
- Sözkəsmə
- 4 dəfə
- Üçü müştəri etirazını bildirdiyi anda.
- Ən uzun sükut
- 19 san.
- Qiymət deyiləndən dərhal sonra.
Operator
Sizin yazdığınız «yaxşı zəng» meyarına görə
- Salamlama və təqdimat
- Var
- Ehtiyacın öyrənilməsi
- Qismən — iki sual
- Təklifin çatdırılması
- Var
- Etirazla iş
- Buraxılıb
- Növbəti addım
- Razılaşdırılmayıb
- Ton
- Sakit, sonda tələsik
Müştəri
Zəngin öz içindən oxunan
- Zəngin səbəbi
- Qiymət və çatdırılma müddəti
- Əhvalın dəyişməsi
- Neytral → narazı
- Əsas etiraz
- «Başqa yerdə ucuzdur»
- Rəqib adı
- Bir dəfə səsləndi
- Açıq qalan sual
- Çatdırılma neçə gün çəkir
- Nəticə
- Qərar verilmədi
Zəngin xülasəsi
Müştəri qiymət və çatdırılma müddəti ilə maraqlandı. Qiymət deyiləndən sonra rəqib təklifini xatırlatdı; operator etirazı açmadan mövzunu dəyişdi və çatdırılma sualı cavabsız qaldı. Zəng növbəti addım razılaşdırılmadan bitdi.
Rəqəmlər ekranın nümunəsidir — sizin göstəriciləriniz öz zənglərinizdən çıxacaq. Dəyişməyən hissə budur: hər sətrin altında onu doğuran an var — hansı saniyədə, kim, hansı sözlə. Ona görə də hər qeyd səs yazısından yoxlana bilir.
İmkanlar
Audio Analyzer nə edir
On iki iş, dörd qrupda: dinləyir, operatoru ölçür, müştərini oxuyur, nəticəni işə çevirir.
- Transkript
- Bütün zəng söz-söz mətnə çevrilir və axtarıla bilən olur. Hər sətir yazının hansı saniyəsindən gəldiyini saxlayır.
- Danışanların ayrılması
- Operatorun sözü ilə müştərinin sözü ayrı-ayrı qeyd olunur — zəng operatora ötürüləndə də, xəttə üçüncü adam qoşulanda da.
- Çoxdilli zəng
- Azərbaycan, rus və ingilis dilində danışıq tanınır; bir zəngin ortasında dilin dəyişməsi də.
Ssenarilər
Audio Analyzer harada özünü göstərir
Dördü də «vaxt olanda» edilir, yəni edilmir.
02
İtirilmiş satışın səbəbi
«Maraqlandı, sonra yoxa çıxdı»
Satışla bitməyən zənglər bir yerə yığılır: eyni etirazın neçə zəngdə səsləndiyi və neçəsində cavabsız qaldığı rəqəmlə görünür.
03
Yeni operatorun ilk ayı
«Salam, sizi dinləyirəm»
Yeni işçinin bütün zəngləri eyni meyara görə oxunur — hansı mərhələni sistematik buraxdığı ilk həftədə bilinir, aylar sonra deyil.
04
Söz verilmiş şərt
«Sizə endirim edəcəyimizi demişdilər»
Zəngdə səslənən vədlər axtarıla bilən mətnə çevrilir. Kimə nə söz verildiyi mübahisə mövzusu olmaqdan çıxır.
Demo
Bir neçə zəng yazısı verin, təhlilini qaytaraq
Necə işlədiyini danışmaqdansa göstərmək asandır. Şirkətinizi qısaca tanıdın — AI Call Center əməkdaşımız qısa müddət ərzində sizə zəng edərək suallarınızı cavablandıracaq.
- Transkript və danışanların ayrılması
- Operator üçün mərhələ-mərhələ oxunuş
- Müştərinin səbəbi, etirazı və nəticəsi